Delf Steeds Dieper 25 Okt 2024

Eerlik, met die oorlog in Israel wat steeds wyer uitkring, vra mense - waar gaan dit alles heen? Dis 'n goeie vraag wat vra vir 'n verantwoordelike antwoord. Jaco Scholtz is 'n ernstige student van die Woord - die Bybel. Luister asseblief na sy kosbare uiteensetting van die rol van die God van die Verbond of liewer VERBONDE, in Wie ons glo. Elke verbond wat Hy ooit met die mens gesluit het, sal in vervulling gaan. Luister, leer en verstaan. Ons het ook nodig om te verstaan dat hierdie lewe waarin ons staan, nie vir altyd sal aangaan nie. Vir 'n interessante artikel oor Israelologie, kliek hier: https://indieskriflig.org.za/index.php/skriflig/article/view/2231/4590

Dan is daar Richard en Heleen de Winnaar wat kosbare werk doen onder kinders in die omgewing van Ladysmith in die Klein Karoo. Waarlik - ook hulle werk met kinders wat blootgestel is aan Fetale Alkohol Sindroom.

Die program sluit af met die absoluut kosbare verhaal van twee tieners wat in George bly, wat deur ons Vader Self oortuig is om mense aan te raak met Lewe in Christus deur hulle getuienis en ook die uitdeel van Bybels! HalleluYah vir ons jeug wat opstaan vir Christus!