Safex Verslag - 20 Mei 2020 (verskaf deur GraanSA)

Mielies: · Volgens die nuutste weeklikse produksievorderingsverslag in die VSA is 80% van die seisoen se mielies reeds aangeplant. · Die 80% mielie-aanplantings wat reeds voltooi is, is aansienlik meer as die vorige seisoen se 44% en die 5 jaar gemiddeld van 71% voltooi teen dieselfde tyd van die jaar. · Die plaaslike mieliemark het gister meestal onder druk gekom en het laer verhandel vir die dag in meeste van die kontrakmaande wat tans gelys is van beide wit en geelmielies. · Die witmieliemark het vir lewering in Julie 2020 R2/ton laer verhandel vir die dag om teen R2 493/ton te sluit. Die geelmieliemark het vir lewering in Julie 2020 R4/ton laer verhandel om teen R2 626/ton te sluit. Sojabone: · Volgens die nuutste weeklikse produksievorderingsverslag in die VSA is 53% van die seisoen se sojabone reeds aangeplant. · Die 53% sojaboon-aanplantings wat reeds voltooi is, is aansienlik meer as die vorige seisoen se 16% en die 5 jaar gemiddeld van 38% voltooi teen dieselfde tyd van die jaar. · Die plaaslike sojaboonmark het gister meestal onder druk gekom en het laer verhandel vir die dag in meeste van die kontrakmaande wat tans gelys is. · Die plaaslike sojaboonmark het vir lewering in Mei 2020, R30/ton laer verhandel vir die dag om teen R6 540/ton te sluit. Koring: · Volgens die nuutste weeklikse produksievorderingsverslag in die VSA is 52% van die winterkoring in ʼn goeie tot uitstekende toestand. · Die 52% winterkoring wat in ʼn goeie tot uitstekende toestand is, is 1% swakker as die vorige week se toestande en aansienlik swakker as verlede seisoen se 66% wat in ʼn goeie tot uitstekende toestand was teen dieselfde tyd van die jaar. · Die plaaslike koringmark het gister meestal onder druk gekom en het laer verhandel vir die dag in meeste van die kontrakmaande wat tans gelys is. · Die plaaslike koringmark het vir lewering in Mei 2020, R10/ton laer verhandel om teen R5 620/ton te sluit.