Seun (12) se lyk uit dam in NW gehaal
Loading player...
Die polisie in Noordwes het 'n dossier van strafbare manslag geopen nadat 'n 12-jarige seun Sondag in 'n dam by Geysdorp naby Delareyville vermis geraak het. Polisiewoordvoerder, Sabata Mokgwabone, sê Otshepeng Mogapi en vier ander seuns het van 'n opgeblaasde binneband afgeval wat deur 'n boot op die water getrek is. Die bestuurder van die boot kon die ander seuns, almal tussen die ouderdom van 12 en 13, uit die water haal. Mogapi het verdrink. Polisieduikers het sy lyk gisteroggend in die water gevind nadat 'n soektog sedert Maandag aan die gang was.
