Vier vas vir dwelms ter waarde van R10 miljoen

Vier mans is naby Colesburg in die Noord-Kaap in hegtenis geneem nadat mandrax-tablette met ‘n waarde van R10 miljoen in hulle besit gevind is.

Polisiewoordvoerder, Olebogeng Tawana sê die mans is gister op die N1 tydens 'n intelligensie-gedrewe operasie vasgetrek. Hy sê die mandrax-tablette was versteek in twee motors waarin die mans, tussen die ouderdom van 25 en 40, gery het. Hulle was glo vanaf Kaapstad na Johannesburg onderweg.

Tawana sê die mans sal na verwagting môre in die plaaslike landdroshof verskyn.