Oproepe vir Dlamini se afdanking voortydig: Zuma

President Jacob Zuma sê oproepe van opposisiepartye en die burgerlike samelewing dat die Minister van Maatskaplike Ontwikkeling, Bathabile Dlamini, afgedank moet word, is voortydig. Zuma het gister in ’n mondelinge vraesessie in die parlement ’n stortvloed van kritiek en vrae oor die Sassa-krisis getrotseer en Dlamini verdedig. Hy hou voet by stuk dat Dlamini nie misluk het met die uitbetaling van maatskaplike toelaes nie.