Ondersoek na kontrakteur versoek na hospitaal se dak inval

Die boumaatskappy wat opknappingswerk by die Charlotte Maxeke-hospitaal in Johannesburg gedoen het sal aanspreeklik gehou word nadat ’n stuk van die hospitaal se dak ingestort en minstens ses mense beseer het. Die Gautengse LUR van Infrastruktuurontwikkeling, Jacob Mamabolo, sê Thandzanani Trading Enterprise is ook die terrein verbied na die voorval gister. Mamabolo sê bouers het blykbaar stukke beton verskuif en dit op ’n dun, onversterkte stuk van die dak gesit. Mamabolo sê egter die hospitaal bly oop vir die publiek en alle sale is funksioneel.

Al ses beseerdes is reeds uit die hospitaal ontslaan.