Prasa se waarnemende bestuurshoof kry trekpas

Die raad van die Passasierspooragentskap, Prasa, het die kontrak met sy waarnemende bestuurshoof, Collins Letsoalo, beëindig. Letsoalo sal onmiddellik na die Departement van Vervoer terugkeer waar hy in diens was voordat hy na Prasa gesekondeer is. Die raad sê hy bestempel die omstredenheid oor Letsoalo se vergoedingspakket egter nié in 'n te ernstige lig nie. Dit kom nadat Letsoalo gister tydens 'n mediakonferensie berigte dat hy sy salaris met 350 persent verhoog het, ontken het. Maryke Vermaak doen verslag.

Prasa se kommunikasiebestuurder, Nana Zenani, sê hulle ondersoek bewerings dat Letsoala sy salaris van R1,3 miljoen tot R5,9 miljoen verhoog het.