Gordhan-arrestasie sal negatiewe impak op markte hê: Roodt

'n Politieke ontleder sê indien berigte oor die dreigende inhegtenisname van die Minister van Finansies, Pravin Gordhan waar is, sal dit 'n negatiewe impak op die markte hê. Dawie Roodt se komentaar volg nadat die Sunday Times gister berig het dat die Valke wil hê Gordhan moet vervolg word weens spioenasie vir sy rol in die geheime eenheid wat tydens sy dienstermyn as Kommissaris van Binnelandse Inkomste op die been gebring is. Die eenheid het glo intelligensie onwettig ingesamel en op belastingbetalers gespioeneer. Die Nasionale Vervolgingsgesag het egter gesê geen besluit is al geneem om enigiemand in die ondersoek na die eenheid in hegtenis te neem nie. Roodt sê dit sal 'n ramp vir die land wees indien Gordhan aangekeer is.