Kleuter na die Vrystaat vanaf Mosambiek gerepatrieer
Loading player...
‘n Jong seuntjie wat in ‘n gevangenis in Mozambiek gebore is, en sedertdien by sy ma in die tronk gebly het, is gister na Suid-Afrika gerepatrieer. Die driejarige seuntjie se ma is ‘n Suid-Afrikaanse burger en afkomstig van die Vrystaat. Lumka Oliphant van die departement van sosiale ontwikkeling, sê die minister, Bathabile Dlamini het die seuntjie gister op die die OR Tambo-lughawe in Johannesburg ontvang. Oliphant sê die kind se ma dien tronkstraf in dié buurland uit nadat sy in hegtenis geneem is in verband met dwelmhandel. Sy was destyds swanger toe sy Suid-Afrika verlaat het.
Oliphant sê die seuntjie sal op versoek van sy ma in die sorg van uitgebreide familie in die Vrystaat geplaas word. Sy wou nie bekendmaak waar in die Vrystaat die kind gevestig sal word nie.
Oliphant sê die seuntjie sal op versoek van sy ma in die sorg van uitgebreide familie in die Vrystaat geplaas word. Sy wou nie bekendmaak waar in die Vrystaat die kind gevestig sal word nie.
