Dringende Hooggeregshofaansoek om Tlokwe-stadsraadsvergadering te belê

'n Dringende aansoek sal komende Dinsdag in die Noord-Gauteng Hooggeregshof aangehoor word om te versoek dat die Tlokwe Stadsraad-speaker, Barei Segotso, 'n raadsvergadering belê.

Segotso het reeds twee keer vantevore geweier om so 'n vergadering te belê, sonder om redes daarvoor te verskaf.

Dit volg ná die tussenverkiesings van 2013 tersyde gestel is weens ongeruimdhede tydens die verkiesingsproses.

Dit het volgens die DA se Hans-Jurie Moolman ’n magsverskuiwing in die stadsraad tot gevolg gehad, met die gesamentlike opposisie wat ’n meerderheid van een plek het.

Dane Beisheim/OFM Nuus