'Daar's genoeg brandstof en styging sal nie so hoog wees nie'

Voormalige Bank van Namibië-goewerneur Johannes !Gawaxab waarsku dat die land ernstige gevolge in die gesig staar weens die oorlog in die Midde-Ooste. Behalwe vir brandstofpryse wat beslis gaan styg, en daarmee saam inflasie, is daar ook ontwrigting van skeepsroetes wat invoere en uitvoere duurder maak. Verder hou ontwrigting van kunsmis-lewering 'n gevaar vir landbou in en wisselkoersbewegings kan uiters nadelig wees. !Gawaxab sê dat April se brandstofpryse dalk nie so drasties sal verhoog as in Suid Afrika nie.