3 Moets vir blomkyk

Met die naderende lente ‘ontplof’ die gewoonlik dor Namakwalandse landskap in 'n blitsvloed van lewendige lappe kleurvolle veldblomme, en toeriste stroom reeds ywerig na hierdie pragvelde.

Blomkykers het egter net tot middel September om hierdie Noord-Kaapse natuurerfenis ten volle te beleef.

“Daar is streke wat by die dag mooier word, aangesien Namakwaland 'n besonder goeie reënseisoen gehad het,” sê Mike Spies van Namakwa Toere.