100.5FM Radio Laeveld PODCAST
As dit in die Laeveld gebeur is dit op jou radio, 100.5FM familie Radio Laeveld in Mpumalanga, Suid Afrika.
KANSA: Berading landwyd gratis beskikbaar
KANSA bied mense wat met kanker gediagnoseer word telefoniese beradingsdienste in 'n verskeidenheid tale wat landwyd beskikbaar is. Maatskaplike werker, Gretchen Minnaar, vertel meer oor hierdie program.
KANSA: Kry hier kliniese ondersteuning
Vlooi Venter, 'n opleier en kliniese verplegingspesialis by KANSA, vertel meer oor die kliniese ondersteuning wat die die organisasie vir pasiënte en hul naastes bied.
KANSA dienste: Hulp met stomas
Dorothy du Plooy is KANSA se dienste spesialis wat nasionaal verpleginsondersteuning en hulp met stomas bied.
Oe-ê-ê Karin: Daardie is mý sitplek
Karin klim op 'n vliegtuig, maar daar sit iemand op "haar" sitplek. Sports volg in die beknopte spasie... Oe-ê-ê.
Straatdebat: Hoe het jy Innibos ervaar?
Innibos is vir die eerste keer sedert 2019 weer die naweek aangebied en dit was 'n dawerende sukses. 100.5FM het vir die drie dae regstreeks uitgesaai vanaf die fees en Denise het by hulle uit gaan vind wat hul indrukke was van dié grootse fees.
Straatdebat: Goue oues
Watter liedjie sal vir jou altyd lewendig bly? Amanda gaan vind uit wat luisteraars as hul Goue Oues beskou.
Musiekdebat: Lila Swift
Lila Swift, 'n boorling van die Laeveld, het onlangs haar eerste enkelsnit en musiekvideo vrygestel. Sy gesels met Amanda oor liedjies skryf, hoekom Taylor Swift haar inspireer en hoe sy "stage fright" hanteer.
Sonop gaan vang slange in die Bos
Anneke van Schoor van Lowveld Venom Suppliers gesels met Sonop Ontbyt oor slange in die Laeveld.
Laeveld Ervaring: Ontmoet nuwe KLCBT president
Prof. David Mabunda is gisteraand ingehuldig as president van die Kruger-Laeveld Kamer vir Sake en Toerisme (KLCBT). Hy sal vir die volgende twee jaar hierdie skip stuur. Hy deel sy prioriteite en doelwitte vir plaaslike sake en toerisme met ons in Laeveld Ervaring saam met die operasionele beampte, Linda Grimbeek.
Oe-ê-ê: Karin koop amandelmelk
Karin gee mos glad nie om, om daarop aan te dring om die bestuurder te sien nie. Sy het dit veral nodig gevind om te kla toe sy probeer om van 'n spesiale aanbieding op amandelmelk gebruik te maak... Oe-ê-ê.
Musiekdebat: Long John
Long John is vandag Amanda se gas in #Musiekdebat. Watter raad sou die ouer Long John vir sy jonger self hê? Luister hier.
Wegbreek Woensdag: Pasgemaakte uitstappies met Sibinjala
Zandré Pelser van Sibinjala spesialiseer daarin om mense met gestremdhede op pasgemaakte uitstappies en buitelugaktiwiteite te vergesel. Sy gesels met Charles.
Laeveld Ervaring: Groot suksesse aangeteken sedert 2021
Op 20 Junie word prof. David Mabunda as die nuwe president van die KLCBT ingehuldig. Uitgaande president, Sandra Jacobs, vertel van die uitdagings en deel die suksesse van haar afgelope twee-jaar-termyn.
Sonop gaan Kamp in die Bos
Sonop Ontbyt gaan hierdie langnaweek 'n bietjie in die Bos kamp. Gerhardt en Andri het vir Marnus Prinsloo en Nolan Naudé van Wildman Nelspruit nader getrek vir advies oor kamp.
Straatdebat: Emmerskoplys
Oud en jonk het elkeen nog drome en wense wat hulle "eendag" wil verwesenlik. Amanda vind uit wat pryk op mense se emmerskoplysies.
Oe-ê-ê Karin: Fliekkyk in die groot stad
Karin is in die groot dorp vir haar dogter se netbalproewe en hulle gryp die geleentheid aan om eers inkopies te doen voor hulle besluit om 'n bietjie te gaan fliek.
Musiekdebat: Kris Ray
Kris Ray kuier vandag in die ateljee saam met Amanda om te gesels oor sy gunstelinggenres en inspirasies.
Straatdebat: Watter liedjie laat jou voete jeuk?
Almal het 'n liedjie wat hul voete onwillekeurig laat jeuk wanneer hulle dit hoor. Amanda vind uit wat hierdie liedjie vir luisteraars is.
Sonop gaan Bos met aalwyne
SANRAL se beplande P166 ringpad na die R40 suid tussen Witrivier en Mbombela is moontlik terug op die kaarte, maar kry weereens baie teenkanting uit die Witirivier-gemeenskap. Duncan MacKenzie gesels met Sonop Ontbyt oor die kritiek bedreigde aloe simii wat endemies is aan die Laeveld van Mpumalanga.
Laeveld Ervaring: David Mabunda verkies tot nuwe KLCBT-president
David Mabunda, die voormalige uitvoerende beampte van SANParke, is gister verkies tot president van die Kruger-Laeveld Kamer vir Sake en Toerisme (KLCBT). Hy sal vir twee jaar dien. Linda Grimbeek vertel vir Mireille dat hulle ook twee spesiale gesante aangestel het om die werk wat hulle reeds jare namens die…