Damara-vroue vier kultuur, identiteit by nasionale indaba

Damara-vroue berei voor vir 'n nasionale indaba wat van 4 tot 6 September in Windhoek sal plaasvind. Die byeenkoms bring 38 groepe van dorpe dwarsoor die land bymekaar, en sal sowat 1 000 mense oor drie dae akkommodeer. Kosmos 94.1 Nuus het met die woordvoerder van die geleentheid, Steffie Skrywer, gepraat wat sê dit bied 'n platform om kulturele identiteit, tradisionele kennis, taal, kleredrag, musiek, dans, kos en gebruike te vier, terwyl dit groter deelname deur die jonger geslag aanmoedig.