Woord vir Vandag - 3 Jan 2026
Loading player...
Saterdag 3 Januarie
“Jy moet getrou bly aan die dinge wat jy geleer het…” 2 Timoteus 3:14 NLV
Bybelstudie: die sleutel tot geestelike groei (2)
Moenie jou lewenskoers volgens die opinies van mense of wat die samelewing gewild ag, bepaal nie. As jy dit doen, sal jy dieselfde fout maak wat ‘n boer se seun gemaak het. Die pa het die seun gestuur om ‘n stuk land in reguit lyne te ploeg. ‘Kies 'n voorwerp aan die oorkant van die land en ploeg reguit daarnatoe.’ Later, toe die pa kom kyk hoe die seun vorder, was daar nie ‘n reguit ry te vinde nie. ‘Het ek dan nie vir jou gesê om ‘n voorwerp te kies en daarnatoe te ploeg nie?’ het die pa gevra. ‘Ek het,’ het die seun geantwoord, ‘maar die hasie het die heeltyd heen en weer gehop.’ ‘n Reguit lyn vereis ‘n onbeweeglike teiken, rig jou visier dus op die onveranderlike beginsels van God se Woord. Laat dit die gesaghebbende Woord in jou wêreld wees. Hierdie besluit is nie ‘n gewilde besluit in vandag se samelewing nie. Sulke weerstand is egter nie vir ons nuut nie. Toe Paulus ‘n brief aan Timoteus geskryf het, het hy negentien eienskappe opgenoem wat elkeen ‘n vrug van rebellie is (sien 2 Timoteus 3:1-5). Toe skryf hy: ‘Jy moet getrou bly aan die dinge wat jy geleer het. Jy weet dit is waar, want jy weet jy kan dié vertrou wat jou geleer het. Jy is van kindsbeen af onderrig in die Heilige Skrif en dit het jou die wysheid gegee om die verlossing te ontvang wat deur geloof in Christus Jesus kom. Die hele Skrif is deur God geïnspireer en is nuttig om ons te leer wat waar is en om ons laat besef wat verkeerd is in ons lewe. Dit ruk ons reg en kweek ‘n regte leefstyl’ (2 Timoteus 3:14-16 NLV). Deurdrenk jouself dus met die Skrif!
“Jy moet getrou bly aan die dinge wat jy geleer het…” 2 Timoteus 3:14 NLV
Bybelstudie: die sleutel tot geestelike groei (2)
Moenie jou lewenskoers volgens die opinies van mense of wat die samelewing gewild ag, bepaal nie. As jy dit doen, sal jy dieselfde fout maak wat ‘n boer se seun gemaak het. Die pa het die seun gestuur om ‘n stuk land in reguit lyne te ploeg. ‘Kies 'n voorwerp aan die oorkant van die land en ploeg reguit daarnatoe.’ Later, toe die pa kom kyk hoe die seun vorder, was daar nie ‘n reguit ry te vinde nie. ‘Het ek dan nie vir jou gesê om ‘n voorwerp te kies en daarnatoe te ploeg nie?’ het die pa gevra. ‘Ek het,’ het die seun geantwoord, ‘maar die hasie het die heeltyd heen en weer gehop.’ ‘n Reguit lyn vereis ‘n onbeweeglike teiken, rig jou visier dus op die onveranderlike beginsels van God se Woord. Laat dit die gesaghebbende Woord in jou wêreld wees. Hierdie besluit is nie ‘n gewilde besluit in vandag se samelewing nie. Sulke weerstand is egter nie vir ons nuut nie. Toe Paulus ‘n brief aan Timoteus geskryf het, het hy negentien eienskappe opgenoem wat elkeen ‘n vrug van rebellie is (sien 2 Timoteus 3:1-5). Toe skryf hy: ‘Jy moet getrou bly aan die dinge wat jy geleer het. Jy weet dit is waar, want jy weet jy kan dié vertrou wat jou geleer het. Jy is van kindsbeen af onderrig in die Heilige Skrif en dit het jou die wysheid gegee om die verlossing te ontvang wat deur geloof in Christus Jesus kom. Die hele Skrif is deur God geïnspireer en is nuttig om ons te leer wat waar is en om ons laat besef wat verkeerd is in ons lewe. Dit ruk ons reg en kweek ‘n regte leefstyl’ (2 Timoteus 3:14-16 NLV). Deurdrenk jouself dus met die Skrif!
