Kosmos 94.1 Nuus

Kabeldiefstal kos Erongo Red maandeliks N$500 000

Loading player...
Erongo Red bestee elke maand meer as 500 000 Namibiese dollar om kragtoevoer te herstel weens koperdiefstal, wat ook die watervoorsiening na dorpe en myne ontwrig. Kusdorpe soos Hentiesbaai, Swakopmund en Walvisbaai word die hardste getref. Die publiek word aangemoedig om die misdade aan te meld, omdat die geld wat verlore gaan elders gebruik kan word. Erongo Red inspekteer nou saam met die polisie skroothandelaars en voer veldtogte om die diefstal te probeer bekamp. Erongo Red se uitvoerende hoof, Tino !Hanabeb, het met kosmos 94.1 Nuus gepraat en sê dit is ekonomiese sabotasie.
26 Aug 11PM Afrikaans South Africa News

Other recent episodes

Wêreld moet gesindheid verander, sê VN-hoof

Die Verenigde Nasies se sekretaris-generaal, António Guterres, sê die wêreld staan by ʼn kruispad en waarsku dat konflik, klimaatsverandering en sistemiese skending van internasionale wette wêreldwyd vertroue in leiers ondermyn. In sy Nuwejaarsboodskap benadruk hy die omvang van lyding in die wêreld. Hy sê meer as ʼn kwart van die…
31 Dec 3AM 1 min

Geniet Oujaar, maar pasop vir vuurwerke!

Soos miljoene mense wêreldwyd, roep Namibiërs vanaand 2025 vaarwel. Oujaarpret is ‘n gegewe, maar verantwoordelikheid en bedagsaamheid moet wagwoorde wees, veral wanneer dit by vuurwerke kom. Die woordvoerder van die Windhoekse munisipaliteit, Harold Akwenya, gee riglyne:
31 Dec 1AM 1 min

Sokker: Bafana moet Afcon-sokkies optrek, sê Foster

Bafana Bafana-doelskieter Lyle Foster sê die span moet foute wat in hul wedstryd teen Zimbabwe gemaak is, regstel in hulle voorbereiding vir die Ronde van 16 in die 2025 Afrikabekertoernooi. Suid-Afrika sal teen die naaswenners van Groep F in die uitklopfase te staan kom. Foster sê dit is belangrik om…
30 Dec 11PM 1 min

Albanese verdedig regering se optrede ná Bondi

Die Australiese eerste minister, Anthony Albanese, het sy regering se optrede in verband met anti-Semitisme ná die Bondi Beach-terreuraanval verdedig. Hy is gestriem oor sy hantering van die aanval waarin 15 mense dood is. Die opposisie beskuldig hom dat hy die slagoffers se families beledig deur nie ʼn koninklike kommissie…
30 Dec 6AM 1 min

Swakop vier Nuwejaar naby Paddock-tuine

Die munisipaliteit van Swakopmund het aangekondig dat hul nuwejaarsvieringe by die strand naby die Paddock tuine in Vineta aangebied sal word. Dit is gratis vir almal maar vakansiegangers word gemaan om nie te drink by die vieringe nie. Kosmos 94.1 Nuus het gepraat met die munisipaliteit se woordvoerder, Linda Mupupa.
30 Dec 4AM 1 min
All episodes