Woord vir Vandag - 1 Aug 2025
Loading player...
“Die Here is by my, ek sal nie bang wees nie…” Psalm 118:6 NLV
Hoe hanteer jy vrees?
Om in ‘n leierskapposisie te wees sal jou nie moed gee nie, maar om moedig te wees, sal jou as ‘n leier in ander mense se oë vestig. Larry Osborne het gesê: ‘Die opvallendste kenmerk van hoogs effektiewe leiers is hoe min hulle in gemeen het. Wat die een by sweer, waarsku die ander een jou teen. Een eienskap staan egter uit: die bereidwilligheid om te waag.’ Moed is nie die afwesigheid van vrees nie; dit is om juis dit waarvoor jy bang is, te doen. Dit is die krag om die bekende agter te laat en nuwe terrein te betree. Die Psalmdigter het gesê: ‘Die Here is by my, ek sal nie bang wees nie. Wat kan ‘n mens aan my doen?’ (vers 6 NLV). Die Romeinse historikus Tacitus het geskryf: ‘Die begeerte na veiligheid staan elke groot en edele onderneming teë.’ Moed het die omgekeerde effek. Die Britse teoloog John Henry Newman het gesê: ‘Moenie bang wees dat jou lewe tot ‘n einde sal kom nie, maar dat jou lewe nooit ‘n begin sal hê nie.’ Sonder die moed om te begin, het jy geen toekoms nie. Ironies genoeg ervaar diegene wat nie die moed het om risiko's te neem nie en diegene wat die moed het om risiko's te neem, dieselfde hoeveelheid vrees in die lewe. Die enigste verskil is dat diegene wat bang is, terugdeins terwyl diegene wat moed aan die dag lê, vooruitbeweeg. Hoe hanteer jy vrees? Verwelkom jy dit of probeer jy daarvan ontsnap? Plaas jy jouself in situasies wat jou geloof uitdaag? Of het jy so ver in jou gemaksone teruggetrek dat jy nooit vrees voel nie? Eers wanneer jy hierdie vrae beantwoord het, kan jy begin om jou vrese te oorkom.
Hoe hanteer jy vrees?
Om in ‘n leierskapposisie te wees sal jou nie moed gee nie, maar om moedig te wees, sal jou as ‘n leier in ander mense se oë vestig. Larry Osborne het gesê: ‘Die opvallendste kenmerk van hoogs effektiewe leiers is hoe min hulle in gemeen het. Wat die een by sweer, waarsku die ander een jou teen. Een eienskap staan egter uit: die bereidwilligheid om te waag.’ Moed is nie die afwesigheid van vrees nie; dit is om juis dit waarvoor jy bang is, te doen. Dit is die krag om die bekende agter te laat en nuwe terrein te betree. Die Psalmdigter het gesê: ‘Die Here is by my, ek sal nie bang wees nie. Wat kan ‘n mens aan my doen?’ (vers 6 NLV). Die Romeinse historikus Tacitus het geskryf: ‘Die begeerte na veiligheid staan elke groot en edele onderneming teë.’ Moed het die omgekeerde effek. Die Britse teoloog John Henry Newman het gesê: ‘Moenie bang wees dat jou lewe tot ‘n einde sal kom nie, maar dat jou lewe nooit ‘n begin sal hê nie.’ Sonder die moed om te begin, het jy geen toekoms nie. Ironies genoeg ervaar diegene wat nie die moed het om risiko's te neem nie en diegene wat die moed het om risiko's te neem, dieselfde hoeveelheid vrees in die lewe. Die enigste verskil is dat diegene wat bang is, terugdeins terwyl diegene wat moed aan die dag lê, vooruitbeweeg. Hoe hanteer jy vrees? Verwelkom jy dit of probeer jy daarvan ontsnap? Plaas jy jouself in situasies wat jou geloof uitdaag? Of het jy so ver in jou gemaksone teruggetrek dat jy nooit vrees voel nie? Eers wanneer jy hierdie vrae beantwoord het, kan jy begin om jou vrese te oorkom.
