Vonnis verwelkom vir voormalige Sanparke-werknemer wat renoster stroop
Loading player...
Die Streekhof in Skukuza het die voormalige veldwagter Eckson Musa Matumbu tot tien jaar tronkstraf gevonnis vir die doodmaak van ‘n renoster in die Nwanetsi-afdeling van die Krugerwildtuin in 2020. Matumbu, wat verantwoordelik was vir natuurlewe-beskerming, is in hegtenis geneem vir die gebruik van ‘n amptelike vuurwapen wat aan hom uitgereik is, en ongeoorloofde ammunisie, in die doodskiet van die renoster. Die hof het hom skuldig bevind aan betrokkenheid by ‘n ongeoofloofde bedrywigheid waarby ‘n bedreigde of beskermde spesie betrokke was. Matumbu is ook onbevoeg verklaar om ‘n vuurwapen te besit.
