Verdagtes gesoek wat drie plaaswerkers ontvoer

Drie plaaswerkers wat deur drie aanvallers, gewapen met pangas, ontvoer is, is Vrydag vrygelaat na hulle sedert verlede Sondagaand aangehou is. Volgens die polisiewoordvoerder, Brigadier Selvy Mohlala, word daar vermoed dat die aanvallers van Mosambiek afkomstig is. Die twee vroue en ‘n man is werkers op ‘n plaas buite Komatipoort. ‘n Span kundiges is saamgestel om die ontvoering te ondersoek en sluit in sigbare polisiëring, taktiese reaksie, die honde-eenheid en speurders. Hulle vra ene Reuben Makwakwa, wie hulle glo in die ondersoek kan help, om na vore te kom.