Wyksraadlid in Mpumalanga doodgeskiet

'n Wyksraadslid se lewe en dié van nog 'n man is kortgeknip toe 'n gewapende verdagte Saterdagaand by Tsema-Marhumbu in Calcutta op hulle losgebrand het. 'n Derde persoon is gewond. Volgens die polisiewoordvoerder in Mpumalanga, Brigadier Selvy Mohlala, het die 55-jarige raadslid, Lot Nkuna (55), saam met David Matsane in 'n voertuig gesit toe hulle aangeval is. Besonderhede oor waar die derde slagoffer geskiet is, is tans onduidelik. Die motief vir die skietery is in dié stadium ook nog onbekend.