Action SA sê Mpumalanga gesondheidsdepartement versuim om probleme by Shongwe-hospitaal aan te spreek

Action SA in Mpumalanga beskuldig die provinsiale gesondheidsdepartement dat hy nie sy onderneming om probleme aan te spreek by Shongwe-hospitaal by Malalane, gestand doen nie. Die provinsiale voorsitter van Action SA, Thoko Mashiane, sê die party sal oormôre saam met die Suid-Afrikaanse Menseregtekommissie besoek aflê by die hospitaal. Dít na die kommissie reeds aanbevelings gemaak het oor die verwaarlose fasiliteit. Die besoek het ten doel om die departement se vordering te monitor, omdat hy volgens Mashiane verseg om aan die kommissie verslag te doen.