Man wat glo vyf familielede skiet, vandag in die hof in Mpumalanga

‘n 32-jarige man verskyn na verwagting vandag in die Piet Retief-landdroshof op vier aanklagte van moord, omdat hy na bewering Donderdagaand vyf familielede geskiet het. ‘n 71-jarige vrou, sowel as drie kinders van onderskeidelik drie, agt en tien jaar oud, is tydens die voorval dood. Volgens die polisiewoordvoerder in Mpumalaga, Kolonel Donald Mdhluli, het ‘n 22-jarige vrou wat ook geskiet en in die maag getref is, die aanval oorleef. Die voorval is ten sterkste deur die provinsiale polisiekommissaris veroordeel.