Munisipale wetstoepasser bly vir eers in aanhouding vir beweerde moord

Die munisipale wetstoepasser wat Saterdagaand na bewering ‘n provinsiale verkeersbeampte by Kwanyoni Lodge buite Mbombela met sy dienspistool doodgeskiet het, verskyn Vrydag weer in die Nelspruit-landdroshof op ‘n aanklag van moord. Volgens die Valke was die 34-jarige Thomsanga Nkosi saam met Abednigo Desmond Mbuyane se vrou in ‘n chalet toe hy hom twee keer geskiet het. Die woordvoerder van die Valke in Mpumalanga, Kaptein Dineo Sekgotodi, sê Mbuyane sal Vrydag vir borg aansoek kan doen.