We Care 4 Nelspruit glo deur munisipalte werkers gedreig

TJ Maré van We Care for Nelspruit voer aan dat werknemers van Mbombela-munisipaliteit vanoggend sy werkspanne se lewens gedreig het, omdat hulle kwansuis hulle hul werk kos. Die spanne is oudergewoonte besig om 'n middelman in die stad netjies te maak. Maré was nie teenwoordig nie. Volgens hom het sy span hom gebel met ide nuus dat 'n man en twee vroue met 'n bakkie wat duidelik gemerk is as Mbombela se vullisverwydering by hulle gestop het, en gedreig het om hulle dood te laat maak as hulle aanhou werk. Maré sê daar was in die verlede 'n soortgelyke voorval waartydens 'n man sy toerusting by hom probeer afneem het. Hy sê hulle lewer 'n diens en sal nie afgeskrik word nie.