Mpumalanga Onderwys sê geen-fooi-skole het genoeg leermateriaal
Loading player...
Die onderwysdepartement in Mpumalanga sê dit is besorg dat ouers van leerlinge in sommige geen-fooi-skole gevra word om addisionele skryfbehoeftes en leermateriaal aan te koop. ‘n Woordvoerder van die departement, Gerald Sambo, sê dit wat deur die departement verskaf word is deur kurrikulum-kenners bepaal en is voldoende. Hy voeg by dat skoolhoofde ouers en leerlinge nie onder druk mag plaas om addisionele uitgawes aan te gaan nie.
