Eenjarige in been getref by begrafnis in Pienaar

‘n Eenjarige dogtertjie is Saterdag tydens ‘n begrafnis in Pienaar in die been geskiet. Volgens die polisie het sy in haar erf, wat langs die begrafplaas is, gespeel toe skote tydens die seremonie afgevuur is.
Sy is in die hospitaal behandel. Die polisie ondersoek ‘n saak van poging tot moord. Enigiemand met inligting is gevra om dit met hulle te deel by 08600-10111. Die provinsiale polisiekommissaris, luitenant-generaal Semakaleng Manamela, het by monde van Kolonel Donald Mdhluli te velde getrek teen die gebruik van vuurwapens by begrafnisse.