Drie vermeende stropers verskyn vandag in die hof

Drie vermeende stropers verskyn vandag in die hof in Bosbokrand. Hulle is Vrydag in die Krugerwildtuin vasgetrek toe ‘n besoeker aan die park geweerskote gerapporteer het. ‘n Helikopter is ontplooi en die drie mans is in besit van drie renosterhorings sowel as ‘n jaggeweer met ‘n knaldemper gevind. Die karkasse van vier renosters is daar naby ontdek. Die horing van die een is nie verwyder nie. Volgens die polisie is al drie van Mosambiek.