Drie gewapende rowers doodgeskiet in skietgeveg met polisie

Drie gewapende rowers is gisteraand dood in ‘n skietgeveg met die polisie in Tonga.
Volgens brig. Selvy Mohlala het ‘n groep gewapende mans ‘n plaaslike supermark binnegestorm en televisiestelle, sigarette, lugyd-koepons en kontant geroof.
Die polisie het hulle in hul wegkomvoertuig opgespoor. Na bewering het die rowers op hulle gevuur en met die terugskiet deur beamptes is drie verdagtes noodlottig gewond.
Een vermeende rower kon vlug.