Drie moordenaars swaar gestraf

Drie mans is gister swaar gevonnis in die Mpumalanga Hooggeregshof vir ‘n moord wat hulle in Junie 2019 gepleeg het.
Vusi Sihlabela, Karabo Makhubedu en Norman Mokoena het ‘n man van sy beursie beroof in ‘n drinkplek in Marite naby Hazyview.
Toe hulle uitvind hy het die saak by die polisie aangegee, het hulle hom in sy huis dood gaan skiet. Volgens brigadier Selvy Mohlala is sy nefie ook gewond.
Al drie is lewenslank opgelê vir die moord en 65 tot 75 jaar vir poging tot moord, roof met verswarende omstandighede en die onwettige besit van vuurwapens en ammunisie.