100.5FM Radio Laeveld LUISTER WEER
As dit op 100.5FM Radio Laeveld in Mpumalanga was kan jy dit hier op jou gemak weer luister.
Nog somerstorms rig groot skade aan in Ehlanzeni
Dele van Mbombela en Nkomazi is die afgelope naweek erg beskadig deur storms. Jacques Benade van provinsiale rampbestuur het vir Gerhardt vertel wat hulle die res van die somer van die weerspatrone verwag. Luister hier weer daarna.
Angus Buchan vertel van reën na gebed
Charissa gesels met Angus Buchan oor gebed en die Mighty Men Laeveld wat binnekort hier plaasvind.
Groot inisiatief vir mense met gestremdhede tot Desember
Mense met gestremdhede het dieselfde uitdagings as ander, net nog meer. So verduidelik die Mpumalanga Raad vir Mense met Gestremdhede se Steven Mthombeni oor hoekom dit so belangrik is om mense met gestremdhede te help, en hoe groot die vraag na hul dienste is.
Bietjie-Bietjie-Bos se program nou beskikbaar
Na twee jaar van geen Innibos Kunstefees nie, word daar van 1 tot 5 Desember 'n Bietjie-Bietjie-Bos gehou. Die program is gefinaliseer, en kaartjieverkope open Woensdag. Ongelukkig is daar net 1 800 kaartjies vir elke dag beskikbaar, weens inperkingsregulasies.
Vlammie-leerling ken die waarde van aanhou om te wen
De Wet Broodryk was vanjaar die ontvanger van die Hoof te Toekenning by Hoërskool Bergvlam se meriete-aand. Hy en mnr. Deon Visser het vir Ludi en Mireille vertel wat dit beteken.
Matriekeindeksamen: Moenie hierdie foute maak nie
Die matriekeindeksamen vir die klas van 2021 is hier. Jozelle Grobbelaar, adjunkhoof van leerdersake by Penryn College, sê 2020 was 'n goeie proeflopie vir skole om te leer hoe om leerlinge tydens die pandemie te ondersteun. Sy vind vanjaar se groep het baie angs, veral weens die wisseling tussen fisies…
Universiteit van Mpumalanga groei en groei
Die Universiteit van Mpumalanga (UMP) sal vanaf volgende jaar vir die eerste keer doktorsgrade aanbied. Kommunikasiehoof, Tlangelani Ubisi, sê dit sal in landbou sowel as ontwikkelingstudies wees. Hy het vir Ludi en Mireille meer vertel oor UMP se groei.
City Changers wil stad oplig en herstel
City Changers Social Services bestaan uit drie dele van diens aan die gemeenskap. Daar is Tamar-restourasiesentrum, hul Celebrate Recovery-inisiatief en His Bounty-projek. Past. Leanie Erasmus en Monique Duvenhage het vir Ludi meer vertel oor hul ondersteuningsdienste.
Alles wat jy moet weet oor katgriep in hondjies
Die parvovirus, wat katgriep in honde veroorsaak, is dodelik en hoogs aansteeklik, waarsku dr. Christo Nortje van die Van Wijkstraat Dierehospitaal. Hy het vir Ludi vertel hoe doeltreffend inentings teen dit is, wanneer dit op datum gehou word.
4 Eva Young stel 'Ek is net 'n kind' vry
4 Eva Young Band het pas hul nuwe enkelsnit, "Ek is net ‘n kind", vrygestel. Hul eie oupas en oumas vertolk in die musiekvideo rolle. Johan van Rooyen, Caitie Rock, Reuben Herbst en Zandri Bezuidenhout het met Gerhardt gesels oor hul 'band"-familie.
Dra 'n hoed vir kinders wat palliatiewe sorg benodig.
Vrydag is die jaarlikse inisiatief om hoede te dra vir kinders wat palliatiewe sorg benodig. Landi Bezuidenhout van Nelspruit Hospice het vir Robin meer vertel oor #HatsOn4CPC.
Hoërskool Lydenburg vier 100ste jaar: 'n Kykie terug
Hoërskool Lydenburg is amptelik op 27 Julie 1921 gestig. Die skool hou hierdie naweek sy Eeufeesviering. Louise Steenkamp, 'n oud-leerling en afgetrede onderwyser van die skool, het met Gerhardt gesels.
Hoërskool Lydenburg vier 100ste jaar: 'n Kykie vorentoe
Hoërskool Lydenburg hou hierdie naweek hul Eeufeesviering. Nuwe skoolhoof, Michael van der Merwe, het vir Gerhardt vertel wat sy fokus vir die skool sal wees vir die volgende vyf jaar.
Alzheimers-bewusmakingsmaand: Hier is die simptome
September is Internasionale Alzheimers-bewusmakingsmaand. Elria Erasmus, die senior maatskaplike werker by Alzheimers Mpumalanga, verduidelik vir Amanda wat jy alles moet weet.
Curro, Lowveld High vat hande vir koorfees
Curro Nelspruit en Lowveld High het besluit om saam te span om hul leerlinge se kultuurtalente beter ten toon te stel. Curro se laerskool junior- en seniorkoor gaan daarom nou saam met Lowveld High se koor optree by die koorfees wat hulle saam aanbied in Oktober. Alta Ehrke, Curro se…
Nellies se Onderwyser van die jaar-finalis deel haar passie
Hoërskool Nelspruit se juf. Kriekie Bekker is aangewys as ‘n finalis in Solidariteit se Onderwyser van die jaar-toekenning. Sy het met Gerhardt gesels oor haar passie vir kinders. Luister weer hier na die gesprek.
Nellies-juffrou 'n finalis vir Onderwyser van die jaar-toekenning
Hoërskool Nelspruit se juffrou Kriekie Bekker is aangewys as ‘n finalis in Solidariteit se Onderwyser van die jaar-toekenning. Dit poog om merkwaardige onderwysers te vereer vir hul bydrae en harde werk. In elke kategorie is ʼn top-20 aangewys. Stemme van die publiek bepaal nou watter hoërskool- en laerskool-onderwyser as onderwyser…
Veearts moedig mense aan om diere in te ent teen hondsdolheid
Voorkoming is die beste teenvoeter vir hondsdolheid, sê dr. Christo Nortje van Van Wijkstraat-dierehospitaal in Mbombela op hondsdolheid-bewusmakingsdag. Daar is nie genesing daarvoor nie, is baie algemeen en endemies aan alle provinsies in die land. Troeteldiere kry dit wanneer hulle in aanraking kom met diere soos meerkatte, muishonde, jakkalse of…
Wiebke is terug met haar "dinge-teater"
Die nimlike Wiebke Holm (wat feesgangers goed leer ken het by die afgelope jare se Innibos Kunstefeeste) is terug om die Laeveld te vermaak met haar unieke "dinge-teater" soos sy dit noem. Sy het vir Amanda vertel van haar nuwe Rottevanger-persona.
Perdepianis gereed om InniMall te gallop
Reg oor die wêreld kry ʼn mens in strate en op pleine musikante wat met ʼn perdekop hul instrumente bespeel. Tydens Bos InniMall kry die Laeveld ook die geleentheid om hierdie perd van nader te beskou. Hy het met Amanda gesels (ons het sy stem vermom om sy mens-identiteit te…